Anik, Emak Nyokot Tangane Polisi Kuwi Saiki Dadi Tersangka

 

(Foto:YouTube)

 

Miturut KRJOGJA.com , Anik Tri Kurniawati 45 taun wis ditetapke dadi tersangka amergo nyokot tangane polisi sing pas arep nilang ana ing dalan A Yani, Kudus, Kemis Pon (22/2/2018.

Warga Desa Jepang Pakis, Jati, Kudus iki dijerat pasal 351 KUHP Miloro , pasal 212 KUHP amergo perbuatane ngelawan Aparat Hukum, lan pasal 213 ayat (1) Paksaan lan Perlawanan.

Kasatlantas Polres Kudus AKP Eko Rubiyanto ngendiko , pihake arep ngelibatke dokter  spesialis kejiwaan kanggo mrekso kondisi kesehatane pelaku.

“Sorene (wingi sore, Red) ibu kuwi wis tak kon moro ana ing kantor kanggo dijaluki keterangan. Nek berdasarke riwayat kesehatane, kayane ngalami gangguan jiwa. Nangging kami isih koordiansi karo dokter kanggo  penyidikan luwih lanjut,” jarene Eko, Jemuah Wage (23/2/2018) .

Eko ngomongke , menowo insiden emak nyokot  tangane polisi kedadeane kuwi ana ing Dalan  A. Yani, persise  ing prapatan Bank BNI 46, Kudus, Jawa Tengah, Kemis Pon (22/2/2018) kiro-kiro jam 06.30 WIB.

Awal Kedadeane kuwi, anggota Satlantas Polres Kudus, Briptu Erlangga Hananda Seto pas dines ngatur  lalu lintas. Erlangga ngerti nek  Anik Tri Kurniawati, numpak pit motor ora nganggo helm.

Erlangga langgsung nyegat lakune kendaraane Anik. Pas diperiksa, ternyata deweke ora duwe SIM. Kejaba kuwi, STNK sing digowo ora podho karo pit motore sing ditunggangi.

Petugas langsung nyita kunci motore. Nangging, Atik ora trimo lan malah nguring-nguring petugas. Ana ning video amatir sing lagi  viral kuwi, pelaku numpak pit motor  Yamaha Mio ungu plat motore K 2899 HR.

”Balekno kunciku. Srengengene kobongan , srengengene kobongan. Balekno kunciku. Tak bayar piro, sejuta, rung juta, telung juta? Kandane ibu bergamis biru tuwo kuwi  karo ngetung  lembaran duit ana ing jero video kuwi.

Ora gur kuwi wae, nganti motore ditabrake petugas lan nyokot tangane polisi.

”Ana bekas loro cokotan ning tangane petugas. Petugas langsung nglaporke ibu kuwi, amergo kelakuane sing ora nyenengake lan ngalawan petugas,” kandahane.

Sak durunge, video kelakuane  Anik mendadak viral ana ing  sosial media. Anik nglawan petugas lalulintas pas arep  ditilang amergo dinilai nglanggar rambu rambu lalulintas. 

www.beritajawa.com

0 komentar

Di Enthup Tawon Gung ing Waduk Sermo, Wong Limo diplayoke ing Rumah Sakit

Novita nunjuke pipi rahang sing abuh. Dheweke dientup tawon gung pas lagi arep foto ning bendungan waduk sermo. 

BERITAJAWA.com - Miturut Tribun Jogja KULONPROGO – Limang wong warga diplayoke ning RSUD Wates amergo bar wae dienthup grombolan Tawong Gung ning duwur bendungan Waduk Sermo, Kokap, Rebo Kliwon (14/2/2018)

Kedadean  kuwi sekitar jam 14.30. Ora ngerti persis kedadean iki awale kepiye.

Nanging pengakuan seko korban, gerombolan tawon sing nek ngetup kuwi ngerti-ngerti teko ngamuk lan ngenthup warga sing ana ing sekitar bendungan kuwi.

Korbane yaiku bapak lan anak sing asale seko Sedayu, Tukiran 60 taun lan Novita Kumula 22 taun. Awale arep golek duren ing Kokap lan ngelewati bendungan waduk kuwi.

Nanging deweke lagi sial nasipe.

 “Anakku njaluk mandek sedelo ning duwur bendungan mergone deweke arep foto. Ngerti-ngerti tawon sing akeh kuwi nyerang lan aku mbengok jaluk tulung. Akhire aku nyeblung ning waduk” jarene tukiran, pas ditemoni ing RSUD Wates.

Gerombolan tawon kuwi ngerti-ngerti nyerang wong loro.

Amergo saking  ganase serangan tawon mau, Tukiran nekat nyemplung ana ing waduk kanggo ngindari supoyo ora dientup tawon meneh.

Nganti sepuluh menitan Tukiran ana ing jero banyu  karo ngampet rasane perih lan panas sing menjalar ana ing awake amergo sengatan tawon.

Soyo suwe gerombolan tawon mau lungo, Tukiran lan anake ditulungi karo warga lan diplayoke ning rumah sakit.

www.beritajawa.com

0 komentar

Ora Nganti Etungan Menit 1000 Bakpia lansung Enthek

BERITAJAWA.com - Miturut KRJogja.com Kahanan syahdu kethok ana ing kawasan Malioboro Rebo Kliwon (14/2/2018 awan, Akulturasi budaya sing ngambarake Yogyakarta sing sejatine tersirat  ana ning pedestrian ngarep Mall Malioboro.

Puluhan wong wadon lan lanang nganggo klambi Cheongsam kuwi langsung mlaku ing  dalan Malioboro. Deweke gowo 1000 bakpia seko produsen dJawa sengaja didum-dumke ning masyarakat pas dino Katresnan lan Imlek 16 Februari 2018.

Sontak dadi perhatiane Wisatawan lan masyarakat dadi penasaran opo to sing digowo. Akeh sing do podho antusias sak wise ngerti  sing digowo  kuwi bakpia, panganan khas Yogyakarta.

“Enak tenan iki nek iso ngicipi bakpia, kayane nek gur mangan siji wae isih tetep kurang pingin nambah siji meneh,” jarene Tenty salah sijine wisatawan seko Makassar.

Ora gumun nek 1000 bakpia sing wis disiapke enthek dipangan gur itungan menit wae. Panganan sing siji iki  kayane tetap dadi primadona kanggo sopo wae.

Walikota Yogyakarta Haryadi Suyuti sing teko lan melu mbagi-mbagi  bakpia mengharapkan masyarakat luas iso nompo pesan sing positif seko acara mbagi-mbagi 1000 bakpia gratis  seko Bakpia dJawa kuwi. Jarene Haryadi, pemerintah Kota Yogjakarta pengin nyampekno menowo nek Yogyakarta kuwi tetep aman lan nyaman kanggo wisatawan mesti beberapa wektu terakhir iki sempat terusik ananing aksi kekerasan lan intoleransi.

“Ing kene ugo kita  pengin nyampekake  menowo Yogyakarta aman lan nyawan, kita lan masyarakat arep tetep  menjamin kondisi kayo ngene nganti tekan tembe mburine. Iki modal apik kanggo persatuan bangsa lan mugo-mugo iso tersampekno pesan sing positif iki seko acara ngedum-ngedum bakpia sing gratis iki,” jarene.

Owner Bakpia dJava, Benyamin Siek Fendy Sanjaya, ngomonke pihake sengojo gagas acara ngedum-ngedum 1000 bakpia gratis iki sing ngepasi dino Katresnan  sisan njelang Imlek ing wilayah Malioboro sing tujuane menehi semangat positif sisan  ngomongake menowo Yogyakarta kuwi aman kango sopo wae.

“Iki lho wajah Yogyakarta sing sebenere, aman lan nyaman. Kita berharap wisatawan ora sah ragu dolan-dolan ing Jogya amergo sak tenane Yogya kuwi digawe seko seneng lan kangen sing marai kepengin teko meneh,” kandane.

www.beritajawa.com

0 komentar

RAMALAN ITUNGAN JAWA JEJODOHAN JARE SIMBAH MBIYEN

BERITAJAWA.com - IKI JARE SIMBAH ITUNGAN JAWA RAMALAN JEJODOHAN

Miturut wong jawa jejodohan kuwi iso di ramal seko wetone (dino lan pasarane di tambah) sing lanang lan wadon temune piro itungane.
1. PEGAT
2. RATU
3. JODOH
4. TOPO
5. TINARI
6. PADU
7. SUJANAN
8. PESTHI

Contoh :
LANANG lahir akad legi (akad 5 legi 5 jumlah 10)
WEDOK lahir seloso wage ( seloso 3 wage 4 jumlah 7 )
Berarti 10 + 7 = 17 ) utowo tibo PEGAT.

Lan iki penjelasane temune wong jejodohan.

1. PEGAT.
Yen tibo PEGAT bakal nemu masalah, mboh kui songko segi ekonomi, kekuasa'an, selingkuh sing akhir"e iso pegatan.

2. RATU.
Yen tibo RATU iki jodoh banget. Di ajeni karo tonggo teparo lan wongliyo. Akeh wong iri karo keharmonisane.

3. JODOH.
Yen tibo jodoh cocok siji karo sijine. Iso podo" nrimo keluwehane lan kekurangan. Omah" lancar nganti tekan tuwo.

4. TOPO.
Yen tibo TOPO iki awal"e susah nanging tembe mburine mesti kepenak.
Awal"e kerep kenek masalah emboh kuwi seko segi ekonomi utowo liyone. Nanging yen wis nduwe anak lan wis suwe anggone omah-omah" bakal mulyo uripe.

5. TINARI.
Yen tibo TINARI iki bakal nemu seneng.
Penak anggone golek rejeki lan ora nganti urip kekurangan. Penak'e tembung kerep nemu bejo anggone omah".

6. PADU.
Yen tibo PADU iki bakal sering padudon. Nanging sejanan saben ndino padu nanging ora nganti pegatan.
Mulo anggone omah-omah" meh saben ndino padu emboh kui masalah opo wae.

7. SUJANAN.
Yen tibo SUJANAN iki kerep tukaran lan akeh" masalah selingkuh.
Emboh kui sing lanang po sing wadon opo malah loro-lorone podo lan nduwe selingkuhan kabeh.

8. PESTHI.
Yen tibo PESTHI iki le omah-omah bakal rukun, tentrem, adem ayem nganti tuwo.
Senajan eneng masalah opo wae ora bakal ngrusak keharmonisane.

Iki kabeh welinge simbah.
Mugo" sing gelem moco wawasane iso tambah.

www.beritajawa.com

0 komentar

Segudang cara manjake awak ana ing Pantai Carita

BERITAJAWA.com -Pantai Carita salah sijine pantai sing ana ing kulon Pulau Jawa, tepate ana ing Kabupaten Pandeglang, Banten, lan jejer karo Pantai Anyer. Lokasi jarake 170 km seko Jakarta lan iso ditempuh kiro-kiro 3 jam nanging lewat dalan tol Jakarta-Merak. Iki sing ngawe warga Jakarta akeh ditemoke ing pantai rikolo preinan  akhir pekan.

Ora luput meneh nek warga Jakarta podho milih pilihan lokasi  sing asyik kanggo ngenteke preinan akhir pekan. Amergo jarake sing cerak, Carita ugo duweni alam sing ciamik kanggo dinikmati.

Pantai  diselimuti gesik sing warnane coklat sing membentang sepanjang garis pantai sing landai lan sebuah pulau karang sing gede menjorok ing arah laut.

Ing ngisor iki ana 7 foto wong sing lagi manjake awak ana ing Pantai Carita

Dede ana ing duwer karang, karo dhelok deburan ombak

Klekaran ing pinggir pantai, awake di

lumuri gesik

Ngadek ana ing dhuwur karang, siap-siap loncat ing pantai

Lelumban ana ing tengah pantai

Lelumbang karo numpak ban mobil

Gegojegan karo anake ana ing pinggir pantai

 

Dhelok deburan ombak ana ing pantai

www,beritajawa.com

Fotone: Edi Mulyono

0 komentar

Sandal Jepit

Fotone: Edi Mulyono

BERITAJAWA.com - Umume masyarakat Indonesia  luwih sering nganggo sandal ketimbang nganggo sepatu. Praktis, nyaman, lan murah regone mulane sandal iki dadi pilihan utama kanggo aktivitas saben dinane.

Salah sijine tipe sandal sing favorit yaiku sandal jepit.

Regone murah nanging awet lan entheng dienggo , mulane  sandal jepit iki dadi familiar ing kalangan masyarakat.

Dadi sendal jepit kuwi migunani tenan kanggo alas sikil, supoyo dlamakan sikil ora keno mbelek lencung, ben ora keno beling, lan liya-liyane…

www.beritajawa.com

0 komentar

Banyu Muncrat lan Luber ing Dalan Gede Tajem Sleman

 Banyu nyembul lan menggenang ing dalan gede Tajem, Minggu Kliwon(04/02/2018) 

BERITAJAWA.COM, SLEMAN - Miturut Tribun Jogja, Ora ana udan ora ana angin, dalan ing prapatan Tajem  tergenang banyu, Minggu Kliwon (04/02/2018) jam 17.45 WIB.

Genangan banyu iku diketahui timbul saka semburan banyu sing nyembul saka pinggir cagak Pemberi Isyarat Lalu Lintas (APILL) sebelah kiwo parapatan dalan Tajem, cerak pasar Stan.

Akehe semburan banyu sing luber nganti menggenang ing sekitare ruas dalan gede Tajem, Maguwoharjo.

Durung di ngerteni , kenopo  banyu sing menyembul memenuhi dalan kuwi.

0 komentar

Nasib Apik Kenyo Tunagrahita Asal Pekalongan sing Sempat do Dibully

Miturut Bintang com, Mungkin kowe podha wis do krungu kabar soal kenyo tunagrahita asal Pekalongan sing jenenge Windi Setyoningsih, sing duwe kemampuan gambar luar biasa nangging sempat dibully karo kanca-kancane amerga ora tau munggah sekolah.

Impene kenyo tunagrahita dadi desainer iki wis ning ngarepe. Dilangsir seko berbagai sumber, wingi (1/2/2018) Windi bareng bapakne, karsiden lan seorang pendamping mangkat saka pekalongan menyang Jakarta kanggo nemoni desainer kondang, Ivan Gunawan

Ya, rencanane Windi rep nunjukake desain-desain gaun sing digawe dewe secara otodidak kuwi marang Ivan Gunawan. Kanggo bentuk apresiasine, mengkone desain duweke kenyo tunagrahita kuwi arep dipilih karo Ivan Gunawan lan arep digunakake kanggo produk kerudunge.

Sadurunge, Windi tau ngomong nek deweke ngagumi karo Ivan Gunawan lan pengin ketemu  karo idolane lan saiki impen iku arep dadi kasunyatan. Ora gur tekan semono wae, impen Windi kepengin dadi seorang desainer wis arep kelakon seiring pertemuan karo Ivan Gunawan sing arep nganggo desain gaweane.

Menilik kehidupane Windi, amerga kepekso  ninggalke bangku kelas papat SD, saben dinane deweke ngrewangi golek pangan keluargane dadi tukang nglempiti kain kasa, “Biasane sak durunge gambar, aku ngrewangi ibu nglempiti perban kain kasa iki. Lumayan hasile iso entuk  pitung ewu sedinane idep-idep iso kanggo bantu ibu,” Jarene.

Sak uwise deweke ngrampungke gaweane nglempiti kain kasa, kenyo tunagrahita langsung nyempatke diri gawe desain gaun sing inspirasine seka delok tanyangan nonton TIVI.

www.beritajawa.com

0 komentar