.

.

Keturunan 'Wong Banyumas' ing Suriname Dadi Dokter Nganti Tekan Capres

BERITAJAWA.com -Mesti jarake adoh, ikatan historis antarane Indonesia lan Suriname lumayan raket. Malah ana salah siji  warga keturunan  Indonesia jenenge Raymond Sapoen arep tarung ana ing  Pilihan Presiden negara ing Benua Amerika kuwi.

Raymond nyritake, menawa ing negarane warga keturunan Indonesia duwe peran penting. Saiki malah oken keturunan Indonesia sing kerjaane sing dadi dokter nganti polisi.

Keterangan kuwi dikandaake Raymon pas njawab pitakonan saka wong-wong Indonesia lewat akun Facebook BBC Indonesia.

"Warga keturunan Indonesia ing Suriname, saiki wis nganti 15% (saka total 500.000 jiwo penduduke)," kandane Raymond sing pertanyaane dikutip saka BBC, Sabtu Wage (21/3/2015).

"Profesine mulai saka dokter, guru, polisi, pengusaha, politik. Wong-wong kuwi mau kabeh dho bisnis ing industri lan sektor finansial," Ngendikane  Raymond.

Raymond Sapoen iki warga Suriname keturunan Banyumas, Jawa tengah. Ing kesempatan iki dheweke negesake nek awake siap maju dadi wong nomor siji ing negara sing pernah dijajah Walanda iki.

"Aku urip ana ing Suriname, anakku telu, lanang. .Aku arep dadi presiden Republik Suriname, partaiku jenengane Pertjaja Luhur," kandane Raymond.

Meski wis nganti telung generasi urip ana ing Suriname, dheweke ngaku tetap nggunakne basa Jawa nek ngobrol karo wong tuane lan anak-anake.

"Aku lan keluarga ora nggunakne basa Indonesia, ning basa Jawa. Wong tuaku lancare yo ming nanggo basa basa Jawa. Anak-anakku nek neng sekolah nganggone basa Walanda, ning nek neng ngomah nganggo basa Jawa.”

"Kuwi budayane keluargaku, kebiasaan kuwi pancen dirawat lan diletareake sebab ngrupakne identitas keluargaku,” kandene meneh.

BJ
Sumber photo ilustrasi: www.bbc.co.uk
Share this article :
 
About Us | Privacy Policy|Term Of Use| Contact Us
Copyright © 2011. beritajawa.com - All Rights Reserved
Proudly powered by Blogger