.

.

Iki Alasane Rega Watu Akik Saiki Larang!

BERITAJAWA.com -Kowekan mesti padha ngerti yen saiki lagi heboh watu akik? Ana macem-macem watu akik sing regane larang banget. Ning kowe opo ngerti kenapa rega watu akik   kuwi dadi larang banget? Jebulna, werna-werna watu akik kuwi, nduwe khasiat dewe sing dipercaya karo sing nganggo. Neng isor iki tulisan tentang manfaat watu akik didasarke saka wernane:

Watu  Akik Werna Abang
Watu akik werna abang iki biyasane saka watu mulia siam, ruby, garnet lan koral sing dipercaya kanggo ningkatake kekuatan cakra sing marai biso nambahi tenaga manungsa, nglancarake peredaran darah lan mbantu ben giat le nyambut gawe.

Watu Akik Werna Putih
Werna watu akik putih duweni  sifat sing  bening dadine bisa menehi sumber energi sing apik kanggo sirah manungsa dadi cakra paling dhuwur ning uripe sing duwe. Watu sing warnane putih kuwi uga dianggep bisa menehi energi positif sing bisa ngewangi keseimbangan awak lan njaga kawarasan.

Watu Akik Werna Biru Tuo
Watu akik werna biru tuo biasane ana ing watu permata safir, turmalin lan lapis lazuli. Watu sing werna biru tuo kuwi dianggap biso menehi energi positif kanggo ketajaman mata lan kuping, ningkatake daya ingat, lan ningkatake kemampuan supranatural.

Watu Akik Werna Biru Enom
watu akik biru enom nduweni khasiat sing berkaitan karo tenggorokan dadine dipercaya bisa menehi kelancaran nang suwara, cara ngomong, lan nembang. Watu iki uga dianggep bisa maraske pundak lan menehi energi positif supoyo biso luwih bijaksana lan nduweni asih demen.

Watu Akik Werna Ijo
Watu akik sing wernane ijo biasane ono ing watu giok, zamrud, kalsit, lan liya-liyane. Watu ijo iki duweni khasiat kanggo nguatke jantung, otot saraf, lan dipercaya kanggo ningkatake rasa sayang-tresna lan rejekine.

Watu Akik Werrna Ungu
watu akik werna ungu dipercaya nduweni energi sing apik kanggo awak yaiku menehi ketenangan, ngurangi emosi, lan ningkatake kwalitas sistem ketahanan awak manungsa.

Watu Akik Werna Kuning Keemasan

Watu akik sing wernane kuning keemasan dipercaya duwe energi sing apik kanggo cakra ketelu, yaiku bagian awak cerak wudel dadi duweni manfaat kanggo ningkatke vitalitas wong lanang.

Watu Akik Werna Jingga
Watu akik sing wernane jingga dipercaya duweni energi sing apik kanggo nguati vitalitas lan imajinasi uga kreativitas manungsa.

Watu Akik Ireng
Watu akik sing wernane ireng iki dipercaya duwe khasiat kanggo nguatke  manungsa ing urusan duniawi, namahi ketlatenan oleh nggoleki rezeki, biso gawe ketenangan, lan marai kukuh ngadhepi urip.

Watu Akik Werna Merah Jambu
Watu akik sing wernane merah jambu iki dipercaya kanggo menehi energi sing apik kanggo jantung, menehi ketentreman, energi positif  lan ningkatake rasa tresna lan sayang.

Watu Akik Werna Coklat
Watu akik werna coklat iki biyasane saka watu topas coklat, akik coklat, lan jasper sing nduweni khasiat kanggo nambah ketenangan pikiran, nguwatake awak kayata sikil lan pupu, uga nyalurke energi ing kanggonan awak bagian ngisor

Watu Akik Werna Abu-abu
Watu akik abu-abu dipercaya nduweni energi sing becik kanggo kekuwatan sikil pas ing betis nganti tekan ngisor. Dadine bisa marai kuat sikil, nambahi sifat sabar, lan nyalure energi ing bumi.

BJ.
Photo ilusrtasi: Frans Edi

Share this article :
 
About Us | Privacy Policy|Term Of Use| Contact Us
Copyright © 2011. beritajawa.com - All Rights Reserved
Proudly powered by Blogger