.

.

Cecak (Cosymbotus platyurus)

Sepasang Cecak Sing Lagi Nyantai Ing Tembok Omah.
Photo: Frans Edi

Cecak utawa cicak kuwi klebu kewan reptil sing iso ngrayap ing tembok utawa wit-witan. Cecak duwe werna abu-abu, tapi ono uga sing warnane coklat rodo ireng. Ukuran Cecak biasane sekitar 10 centimeter.

Cecak tembok (Latin Cosymbotus platyurus), sing kerap ditemui ing tembok-tembok omah lan sela-sela atap omah. Cecak iki awake pipih jembar lan buntute jembar lan jumbai-jumbai alus. Nek diamat-amati ing tangan, seko ngisor ketok ono lipatan kulit sing jembar ing sisih weteng lan ing mburi sikil.

Jenis kewan siji iki duwe jurus apuh yaiku nugelke buntute dewe utawa sering disebut uga Autotomi, nek terancam saka serangan mangsa liyane.
Hal iki sering dilakoke karo cecak. Tujuanne kanggo nyelametke awake saka sergapan pemangsa liyane, buntut sing tugel iki dikarepke supaya kanggo ngalihke perhatiane si pemangsa dadi pemangsa ora ngoyak-ngoyak cecak meneh tapi malah ngoyak-ngoyak buntute cecak.

BJ
Share this article :
 
About Us | Privacy Policy|Term Of Use| Contact Us
Copyright © 2011. beritajawa.com - All Rights Reserved
Proudly powered by Blogger