.

.

Kebo Kyai Bodong, mati ditombak




Kebo  keturunan Kyai Slamet  sing dadi salah sijining pusaka Keraton Kasunanan Surakarta, sing arane Kyai Bodong, mati Selasa Pahing (4/11/2014), pukul 18.30 WIB.

Adik ipar Raja Keraton Kasunanan Surakarta, KRMH Satryo Hadinagoro, matur, Kyai Bodong mati lantaran ditombak ing  Taman Seruni, Solo Baru, Sukoharjo, pertengahan wulan Oktober sak durunge kirab siji Sura.

Kyai Bodong sengaja ditumbak karo pelaku  ning weteng sisih kiwa lan sikil sisih tengen ngakibatke tatu sing jerone 10 sentimeter.

"Kebo-kebo ikipancen kerep diumbar, lan wektu ana ing Solo Baru, ditumbak karo wong sing  ora tanggung jawab, nggunakake  tumbak wesi sing wis karatan," Ngendikane  Satryo wektu ditemoni neng Sitinggil Alun-alun Kidul, Selasa (4/11/2014).

Sak bubare dikabarke  mati, Satryo muwuhi, Kebo Kyai Bodong terus digawa saka Solo Baru  menyang Sitinggil Alun-alun Kidul Keraton Surakarta. "Wektu kuwi, udan deras pisan. Kebo Kyai Bodong terus digawa menyang Sitinggil nggunakake  mobil L 300. Wektu mlebu Alun-alun Kidul, udan malah mandheg," sambunge.

Sak bubar e digawa menyang Sitinggil Kidul, Kyai Bodong terus dikubur  neng sekitaran Sitinggil Kidul. Satryo uga matur nuwun marang warga sekitar Taman Seruni, Solo Baru, sing wis ngrumat, lan menehi pangan Kyai Bodong  sak wise ditumbak.

Umure  Kyai Bodong wis 65 taun lan ninggalke  sanga kebo turunane Kyai Slamet liyane. "Umur kebo iso didelok saka garis neng sungune. Sak  garis nandake umure  limang  taun, lan Kyai Bodong iki kebo sing nduweni awak  gedhe lan gagah,".

Photo ilustrasi: solopos.com
BJ

Share this article :
 
About Us | Privacy Policy|Term Of Use| Contact Us
Copyright © 2011. beritajawa.com - All Rights Reserved
Proudly powered by Blogger